ద్విపదభాగవతం - మధురకాండ : శ్రీకృష్ణుఁడు చాణూరుని జంపుట
రప్పుడు దనుజారి యామహాజట్టిఁ
దప్పకఁ జూచి యుద్ధత శక్తి మెఱసి -
పిడికిటఁ బొడిచినఁ బెంపేది వాఁడు
పడియొడ్డ నిల్చి యాపంకజోదరుని
వక్షంబు శిరమున వడిదాఁకుటయును.
ఈక్షించి హరివాని వెనుకకుఁ ద్రోచి
కుడిరెట్టవట్టి పెలుకుఱఁ ద్రిప్పి నెలఁ
బడవైచి తన్ని గొబ్బన మీఁదికుఱికి
మెడఁ ద్రొక్కి యినుముసమ్మెట మ్రోదినట్లు
తడబడ ముష్టిఘాతల మేను నొంప;
వెగడొంది పట్టెమ్ము విఱిగి గుండియలు
పగిలి చాణూరుండు ప్రాణముల్ విడిచె.